Ester Helga Sæmundsdóttir

Í fréttum er þetta helst.....

2003-12-01T19:30:00.000Z

Jæja, þá er mánudagurinn að kvöldi kominn! Ég fór til RVk á föstudagsmorgun og verslaði nokkrar jólagjafir, horfði á Gunnar keppa, kíkti á djammið, hitti ættingja og vini og lærði með Betu! Ég keypti svo mikið af drasli, fannst mér ,því ég eyddi svo miklum peningum, en svo þegar maður kemur heim er þetta ekkert svo mikið af dóti.....En nú á sko að taka til hendinni og skreyta hjá sér, setja seríur í gluggana og dúllerí:)það verður gert eftir Survivor:)Ég þarf nú að fara setja saman óskalista fyrir jólin, þetta gengur ekki, allir að spyrja mig og mér dettur ekkert í hug, svei mér þá! En fyrst það er kominn 1.des er þetta námskeið þá ekki búið....?
Gleðileg jól til allra and gúd bæ:)

http://www.islandia.is/systah/images/cuteman.jpg

veit aldrei hvað ég á að skrifa hér......

2003-11-25T21:36:00.000Z

Jæja, mikið er ég fegin að vettvangsnámið skuli vera búið:) Þá kemst líka allt í sinn vana gang hjá bekknum mínum, nemendurinir voru orðnir frekar pirraðir yfir því að vera fá einhverja forfallakennara í staðinn fyrir mig( reyndar ekki nema 4 tímar á viku). Í næstu viku byrja svo prófin hjá þeim og eftir það ætlum við að föndra fyrir jólin, þá verður sko gaman! Á miðvikudagskvöldið var keyrt á bílinn okkar! Hann var kyrrstæður og er líklegast ónýtur:( fáum að vita á morgun hvað verður gert í málinu, hvort það taki því að gera við hann! Um helgina bakaði ég mínar fyrstu smákökur:) Það var ofsalega gaman en kökurnar voru ekkert ofsalega fallegar en bragðgóðar:) Ég er nú samt ekki búin því þetta var svona prufa, ég á eftir að baka alvöru smákökur, það er hefð fyrir því að borða smákökur og drekka heitt kakó á aðventunni hjá mér. við fengum líka Gauta dúllu í heimsókn um helgina og það var sko fjör hjá okkur, eins og alltaf. Jæja, verð eiginlega að fara að hætta núna, er að deyja úr þreytu og klukkan varla hálf tíu.....:)

styttist óðum.....

2003-11-19T13:48:00.000Z

Jæja, nú styttist óðum í að vettvangsnámið klárist! Klára á föstudaginn og mikið ofsalega verður andað léttar:) Það er miklu meira en að segja það að vera í þessu vettvangsnámi og þetta er líka síðasta vettvangsnámið mitt í náminu að þessu sinni:) Á föstudaginn ætla ég að fara með nemendunum í 9.bekk í sagnorðaleik sem ég bjó til. Sagnoðrin eru ekkert ofsalega spennandi en verða það kannski með leik:)
Mikið ofsalega hlakka ég til þegar hún Anna Rós kemur með litla prinsinn sinn til Eyja:) Ætli maður mæti nokkuð í vinnuna.....:) Það verður sko stuð hjá okkur í sumar því ég verð í sumarfríi og hún líka og ætlum við svoleiðis að njóta veðursins og þess á milli ætla ég að spila golf:) Jibbý hvað það verður gaman!!:)
23. desmeber ætla ég að leggja land undir fót og fara til Flórída(Orlando) og vera þar um jóla og áramót með kærastanum og tengdafjölskyldu. Það verður örugglega mjög skrítið að vera ekki hjá mömmu sinni á jólunum...:/ Ég kem svo heim 3. janúar á undan öllum því ég þarf að mæta í staðlotuna 5.jan.
Ég er einnig búin að plana aðra utanlandsferð en hún verður frá 9. júní - 15. júní. Þá ætlum við kennararnir að fara og skoða umhverfisvæna skóla og heilsuskóla í Kaupmannahöfn það er nefninlega þannig átak í gangi hjá okkur í skólanum, það verður örugglega mjög gaman:)
Nú þarf ég að fara á fund...
bless í bili.....

Vinnuvikan hafin....

2003-11-17T21:17:00.000Z

jæja, mikið ofboðslega var gott að vera í helgar"fríi". Ég gerði margt um helgina! Það er fastur liður hjá mér að taka ibúðina í gegn um helgar eftir uppsafnað drasl vikunnar...:)Sá liður var á sínum stað! Ég horfði að sjálfsögðu á Idolið og mitt fólk komst áfram:) Ekki mikið meira gert á föstudeginum. Á laugardaginn lærði ég svolítið frá 14 - 18 og fór svo að elda kjúkling. Vinir hans Gunnars komu svo til okkar um kvöldið með kærusturnar sínar og fórum við í Partý og co og Trivial, það var fínt því það var fengið sér einn öl með:) ekki farið að sofa fyrr en um 2! Svo var rifið sig fram úr á sunnudeginum kl. 10 og náð í Gauta krútt og farið í Sunnudagaskólann kl. 11, það var rosa gaman:) Skiluðum Gauta kl. 14, þá kíktu Ester frænka og Viðar í heimsókn en stoppuðu stutt. Eftir það var farið og lært til kl. 17. Ég eldaði hrygg í fyrsta skiptið í gær og bauð systur minni í mat, þetta var geðveikt góður matur!!! Svo var farið í ísbúðina og fengið sér ís og tekið spólu og horft á fram eftir kvöldi:) Má ekki gleyma að minnast á það að ég náði í kassann inn í geymslu með jóladótinu mínu og kíkti aðeins á það, hengdi bara smá upp en þurrkaði af hinu:)
Nú er Gunnar byrjaður að æfa aftur eftir mánaðarpásu eða svo, ekki veitir að því innanhúsmótið er eftir 2 vikur:)
læt þetta duga í bili...

jæja....

2003-11-14T14:18:00.000Z

Þá er ég loksins búin að setja inn rétta slóð fyrir heimasíðuna mína sem er hér og ég held að hún sé alveg að verða tilbúin, nema ég á eftir að setja inn samskiptaleiðir þar, en er þó búin að prufa þær;)

En mikið er ég fegin að vikan sé loksins búin, þó svo að við taki lærdómur um helgina þá er alltaf gott að komast frá vinnustaðnum sínum:)
Svo er ég komin í smá jólaskap, ætla að reyna að baka mínar fyrstu alvöru smákökur um næstu helgi, sjáum nú til hvernig það gengur......:)

Þetta er frekar fyndið:)

2003-11-11T17:08:00.000Z

en mikið ofsalega er þetta sniðugt:)

Skilaboð sendi ég
Sent með GSMbloggi Og Vodafone

Var að prófa gsm blogg:)

2003-11-11T17:07:00.000Z

prófið að hlusta á prufuna mína, vona að hún virki:)

vefurinn kominn inn

2003-11-06T17:40:00.000Z

Hér er slóðin en vantar samt nokkuð að laga síðuna

Jæja.....

2003-11-06T14:28:00.000Z

Var að reyna publisha vefnum í 10. skipti en það kemur alltaf upp villa að serverinn hafi óvænt closed the connection.....hvað er eiginlega í gangi á þessum bæ??!!

ekkert að gerast!

2003-11-04T13:06:00.000Z

Það gerist ekkert ennþá í vefsíðumálunum hjá mér, skil bara ekki hvað ég gerði vitlaust!Er búin að fara aftur og aftur yfir vefinn en ekkert gerist því miður.....:(

Vefsíðuvandræði!!!!

2003-11-01T16:14:00.000Z

Er búin að eyða þvílíkum tíma í þessa vefsíðu mína og svo loksins þegar ég ætlaði að publisha þá er ekki hægt að birta hana, eða það kemur: you are not authorized to view this page!!!!Hjálp!! hvað get ég gert, er alveg að bilast út af þessu......hér er slóðin

Lítill prins fæddur!!!:)

2003-10-31T14:28:00.000Z

Ég fékk símhringingu kl. 05.30 í morgun frá henni Önnu Rós vinkonu minni og hún sagði mér að klst áður hafði hún eignast son!!!!:) get sko alveg sagt ykkur það að ég gat ekkert sofnað meira eftir þessa gleðifréttir!!þessu átti enginn von á því hún var sett 1. des en allt gekk eins og í sögu og litli prinsinn dafnar vel og var 13 merkur og 51 cm sem er bara nokkuð gott! Hún var eiginlega fegin því að fæða hann bara núna:) Ég er búin að fljúga um á bleiku skýji í allan dag og ætla að gera mér dagsferð á sunnudaginn til að kíkja á hann og nýbökuðu foreldrana:)JIBBÝ:)

Komið í lag!!!!

2003-10-28T11:16:00.000Z

Hérna er þetta komið! Vona að þetta virki:)

Nei! virkar ekki....!

2003-10-28T11:13:00.000Z

Skilasíðan virkar ekki nógu vel!!! Ætla að kíkja betur á þetta............

Vefsíðan!

2003-10-28T11:12:00.000Z

Ég hélt að ég væri búin að setja slóðina að skilasíðunni minni hérna en hérna er hún, mjög hrá! Er ekki búin að setja inn öll verkefnin, en er samt búin með þau!

vetrarfrí!!!:)

2003-10-20T08:54:00.000Z

Jæja, upp er runninn næst síðasti dagur fyrir vetrarfrí í kennslu! Er að kenna á morgun til kl. 14.30 og svo á miðvikudag stend ég í ströngu í foreldraviðtölum. Á fimmtudag er svo samstarfsdagur, og svei mér þá, frí á föstudag og mánudag:) Þeir dagar + helgin verða sko vandlega notaðir í lærdóm og tiltektir og nokkrum sinnum verða tærnar settar upp í loft....:)

foreldraviðtöl og vettvangsnám framundan

2003-10-16T17:01:00.000Z

Jæja, gaf mér smá tíma til að líta upp úr bókum og blöðum. Er að byrja að skirfa inn umsagnir fyrir foreldrafundina sem verða í næstu viku og sumir meira að segja á morgun! Það er alveg klikkað að gera þessa dagana, er líka að reyna að undirbúa vettvangsnámið, er á síðasta snúning með það:( Er varla hálfnuð og þarf að skila fyrir mánudag en þá byrjar áheyrn og ég byrja svo í vettvangsnámi 27. október og kenni 2 bekkjum, 9. bekk og mínum, 5.bekk. Það verður sko ágætis törn og alveg brjálað að gera....en vinnur maður ekki best undir pressu....???

Lærdómshelgi....:/

2003-10-10T15:31:00.000Z

Þá er komið að því að læra og læra og læra og læra og læra um helgina! Það bíður fjöldi verkefna eftir mér á, bæði úr Kennó og frá bekknum mínum, og ætla ég að vera öfga dugleg að vinna í þeim!:) Hér í skólaanum sé ég um félagslífið ásamt tveim öðrum hressum píum og erum við í samráði við hinn skólann að halda IDOL keppni á milli skólanna. Á þriðjudag var undakeppni í þeirra skóla og í gærkvöldi var hún í okkar. Það var alveg frábært að sjá hvað skólinn á mikið af hæfileikaríkum nemendum. Þau komu upp á svið hvert á fætur öðru og sungu, næstum öll eins og englar:) Um 200 manns voru á staðnum og mikil stemmning. 3 atriði komust áfram í lokakeppnina úr hvorum skóla sem verður haldin á þriðjudaginn kemur. Þá verður sko fjör.....:)

Karlmannslaus í kulda og........

2003-10-07T11:28:00.000Z

Jæja, þá er ég einstæð útivinnandi húsmóðir fram á fimmtudag! Gunnar Heiðar þarf að vera við æfingar í dag í RVK og fer svo út til Þýskalands á morgun og keppir með U21 á föstudag. Hann kemur heim á laugardag og brunar þá beint norður í staðbundnu lotuna í Háskólann á Akureyri. Ég fæ svo loksins að sjá hann eftir viku, en þá kemur hann loksins til mín:) En ég er nú aldeilis heppin um helgina því þá kemur Anna Rós með bumbuna sína og þá hef ég nóg að gera með henni, hitta hana og læra alveg helling!!!! ég þarf sko að taka sjálfa mig í gegn í náminu og það verður sko gert um leið og ég fer frá húsfreyjustörfunum á Illugagötunni:)

Loksins frí frá húsfreyjustörfum.....

2003-10-02T16:11:00.000Z

Jæja, á morgun förum við hjúin í langþráða helgarferð til RVK! Við erum búin að vera sjá um heimilið hjá tengdó í viku og eigum viku eftir og ég get svo svarið fyrir það að það verður gott að komst í frí:) Börnin eru mjög lífleg og það er full vinna að vera með svona stórt heimili og þar að auki vera í fullri vinnu og námi með! Sem sagt tærnar upp í loft meirihlutann af helginni! Á laugardaginn er það svo KSÍ með öllu tilheyrandi.

Vefsíðan mín!

2003-10-02T16:05:00.000Z

Hér kemur slóðin að vefsíðunni minni! Inn á hana vantar fullt, t.d. skilasíðuna, en þetta er byrjunin! http://nemendur.khi.is/estersa

Vefleiðangur

2003-09-29T18:17:00.000Z

Hér kemur vefleiðangurinn minn! Hann er um Tyrkjaránið og vona ég að þið hafið gaman að!

Vefleiðangur um Tyrkjaránið

Kynning
16. júlí árið 1627 varð átakanlegur atburður í sögu Vestmannaeyja, þegar sjóræningjar frá Alsír komu þangað á þremur skipum. Ræningjarnir misþyrmdu fólki, svívirtu konur og drápu að minnsta kosti 34 Eyjabúa. Þá Eyjamenn sem ræningjarnir drápu ekki ráku þeir saman í hnapp, bundu á höndum og fótum og fluttu síðan út í skip, alls 242 karla og konur. Þeir rændu öllu fémætu, fjármunum og helgum gripum kirkjunnar á Fornu-Löndum og brenndu síðan kirkjuna. Nokkrir komust undan ræningjunum með því að fela sig í hellum og gjótum eða klifra björg og síga. Þið voruð Vestmannaeyjingar á þessum tíma.

VerkefniÞið setjið ykkur í spor Eyjabúa og skráið sögu þeirra á blað.

Verkefni 1
Skrifið reynslusögu fjölskyldu sem lenti í sjóræningjunum og hvernig henni reyð af.

Verkefni 2
Skrifið reynslusögu fjölskyldu sem komst undan sjóræningjunum

Verkefni 3
Takið viðtöl við þá sem gerðu verkefni 1 og 2 um lífsreynslu þeirra. Skrifið niður þær spurningar sem þið viljið fá svör við.

Bjargir
Reisubók Guðrúnar Símonardóttur (Tyrkja –Guddu)
Fjöldi vefslóða:

Safnvefur Vestmannaeyja
Tyrkjaránið: www.tyrkjaranid.is/ -Ef þið farið inn á leitarvélar eins og google.com koma örugglega upp fjöldinn allur af síðum.

Ferli
Verkefnið er einsataklingsverkefni. Þið eigið að vinna það í Word með línubili 1,5 og leturstærð 14 en fyrirsagnir í stærð 24. Greinagerðin á að vera 1-3 blaðsíður fyrir utan forsíðu.
Þið lesið ykkur til á netinu og á bókasafni og reynið að setja ykkur í fótspor Eyjabúa. Ykkur er úthlutað verkefni 1 - 3 og vinnið það í einrúmi. Því næst berið þið ykkur saman og verkefnin eru lesin upp. Þá hefst gerð leikrits. Bekknum er skipt upp í 3 hópa og gerir hver hópur sitt handrit og undirbýr leikrit. Síðan eru leikritin sýnd og allir hafa gaman af.

Mat
Eftirfarandi þættir verða lagðir til grundvallar við mat á verkefnunum:
o leikþáttur
o útlit og frágangur
o vinna hvers einstaklings í hópnum
o samvinna nemenda í hóp.
Verkefnið verður metið af kennara og gefin umsögn og einkunn.

NiðurstaðaÞegar verkefninu er lokið er gaman að velta fyrir sér hvað knúði sjóræningjana til alla leið til Vestmannaeyja.

Tæknisaga:)

2003-09-29T17:22:00.000Z

Hér kemur tæknisagan mín! Hún er ekkert voðalega löng en ég vona að þetta sé svona nokkurn veginn í áttina.....gjörið þið svo vel!!

Tæknisaga
Ég held að ég geti sagt að ég sé mikill aðdáandi tækninnar, ég keypti mér sjónvarp og videó 11 ára gömul og ferðageislaspilara tveim árum seinna. Mér fannst alltaf gaman að leika mér með tæknina, eins og t.d. að vera í tölvuleikujm með leikjatölvu tengda við sjónvarpið, það þurfti oft að slíta mig þaðan! Ég fékk Game Boy á mínum yngri árum og í því gat ég verið tímunum saman, fannst ekkert mjög skemmtilegt að vera leika mér úti þegar ég var komin á kaf í tölvuleiki! En svo þegar ég komst til vits og ára fór lítið fyrir tækininni í mínu lífi, ég keypti mér jú gsm síma fyrir 4 – 5 árum síðan og nota hann að meðaltali lítið. En snemma á þessu ári keypti ég mér þarfan þjón, heimilistölvu, sem hefur reynst mér mjög vel, prentara og skanna. Ég hafði notast við tölvuna hennar mömmu í nokkur ár en það kom að því að ég flutti að heiman og óhjákvæmilegt að vera í fjarnámi með enga tölvu! En svo þegar ég var búin að kaupa mér tölvuna langaði mig á aðra tölvu, fartölvu! Mig langaði líka í DVD spilara og nýtt sjónvarp! Það má segja að með tilkomu tölvunnar inná heimilið hafi áhuginn fyrir tækninni aukist og nú er ég búin að kaupa mér DVD spilara og gott betur en það! Ég keypti DVD spilara sem er líka videótæki, alveg meiriháttar sniðugt! Og græðgin er ekki á enda! Mig langar í nýjar græjur og nýjan heimilissíma líka.......og hver veit nema eftir 1 – 3 ár verði þessi tæki kominn inn á heimilið:)

Jæja...

2003-09-29T12:20:00.000Z

Jæja, þá er enn einn mánudagurinn runninn upp og svo sem ekkert áhugavert við það, frekar en eitthvað annað! Heimilislífið gengur sinn vana gang og vinnan og skólinn líka, já og líkamsræktin, það má ekki gleyma henni. Nú liggur á að fara klára vefleiðangur og tæknisögu fyrir morgundaginn takk fyrir! Og hvar finn ég tímann til að gera það?? Undir einhverri mottu vonandi! Á föstudaginn á að kíkja til Reykjavíkur og fara á lokáhóf KSÍ, það er alltaf voða gaman að kíkja á það og ætlar Hjördís að lána mér eitthvað fallegt til að vera í!! Svo sniðugt að eiga vinkonu sem á stóran fataskáp:) Þá fæ líka að sjá hana Önnu Rós og stóru bumbuna hennar en nú eru bara tveir mánuðir í fjörið!:)
Og að sjálfsögðu ætla ég að hitta hana Betu mína á KSÍ! Það verður sko þvílíkt fjör!!!:)
Læt þetta duga í bili.........

vá! hvað tíminn líður.......

2003-09-25T15:45:00.000Z

Mér finnst eins og ég hafi skrifað hérna inn á gær......en það er víst vika síðan...hmmmm!
Er búin að vinna mikið með stærðfræðiheftið frá Fleti í tilefni af degi stærðfræðinnar sem er á laugardaginn. Á morgunn erum við að fara vinna með Evrópska tungumáladaginn og ætluðum við að hafa smá verkefni í tilefni þess en það verður víst mjög viðamikið. Svona er þetta þegar maður byrjar að brainstorma, þá gerist allt mögulegt, skal ég segja ykkur.
Núna er ég búin að taka við heimilinu hjá tengdó, þau flugu út til Tyrklands í dag og verða í tvær vikur, þannig að það er nóg að gera...:)

Kennaraþing að hefjast!

2003-09-18T14:07:00.000Z

Núna á eftir klukkan 16 verður sett kennaraþing hérna í Vestmannaeyjum. Þar verður maður fræddur um margt og mikið í dag og á morgun. Ég valdi mér námskeið sem fjallar um hvernig eigi að kenna Geisla sem er svo til nýtt stærðfræðiefni, það er á morgun ásamt öðrum fyrirlestri sem ég valdi mér en man ekki alveg um hvað hann fjallar!
En á eftir klukkan 15 fer ég í afmælisveislu til hans Gauta, fóstursonar míns sem er eins árs í dag! Til hamingju með afmælið Gauti!!:) Svo á hann frændi minn, Gunnar Alexander, líka 1 árs afmæli í dag og fær hann afmæliskveðjur hér með!:)
Mikið ofsalega er haustlegt úti, kuldi og rok og svo er líka sól, eiginlega alveg heiðskýrt:) Það er alltaf svo skrítið veðrið hérna!
Læt þetta duga í bili....

Þriðjudagar.......

2003-09-16T19:40:00.000Z

Æ, hvað þriðjudagar eru ekkert ofsalega skemmtilegir....! Er að kenna frá 8 til 14.30 frekar fjörugum krökkum og eftir það er maður svo gott sem búin á því:) Þá þarf maður að undirbúa næsta dag og allt sem því fylgir og fer svo í Hressó borðar og lærir og þá er maður fljótur að sofna! Er að fara á kennaraþing á föstudaginn og svo lokahóf hjá ÍBV á laugardaginn þannig að það verður nóg að gera um helgina, já, og svo ætlar mamma að koma og Anna Rós með bumbuna sína, hlakka sko ofsalega til að sjá þau öll:)

Power point

2003-09-15T21:43:00.000Z

Hérna kemur power pointið mitt og Betu, þ.e.a.s. textinn með glærunum okkar....gjörið þið svo vel:)

Sögurammi: Power point kynning.

2. Upphafið.
Ýmsir einstaklingar koma að mótun söguaðferðarinnar, t.d Rousseau, Dewey, Froebel, Montessori, Piaget og síðar kom Margaret Donaldsson. Byrjað var að líta á kennslu barna sem mikilvægt stig í menntun sem hefði sína eigin áherslu. Þroski og framfarir barnsins var aðalatriðið. Nemandinn átti að vera virkur og læra um heiminn í gegnum eigin rannsóknir og reynslu. Menntun barna var miðuð við reynsluheim þeirra og samhengi átti að vera milli þess sem þau þekktu og voru að læra.
Endurmenntunardeild í kennaraháskólanum í Jordanhill í Glasgow fann nokkra kennara til að finna leið til að til að aðstoða kennara til að vekja áhuga nemenda á samfélags- og náttúrufræði. Aukin samþætting átti að vera og breytinga var þörf frá þeim aðferðum sem fram höfðu farið í hreinum staðreyndarlærdómi.
Söguaðferðin heitir á ensku Storyline og það tók mörg ár að þróa hana í það sem hún er í dag. Stofnuð voru samtök um að þróa og varðveita upplýsingar um aðferðina. Aðferðin hefur verið notuð í Vestur – Skotlandi í mörg ár á mismunandi hátt og fer það eftir því hver á heldur. Félagar í samtökunum koma frá ýmsum löndum og nota Storylina aðferðina og hafa áhuga á henni.

3. Hvað er söguaðferð?
Hún er ekki bara kenning heldur líka aðferð við að nálgast ákveðið efni á skemmtilegan og skiljanlegan hátt fyrir nemendur. Aðferð sem kennarinn notar til að nálgast þemaverkefni. Hún byggir á því að við eigum auðveldara með að læra það sem við erum að gera í gegnum sögu. Sagan hefur skipulag, tímaröð, umhverfi og hún raðar hlutum í samhengi eftir sögunni. Við munum t.d. hvernig Íslendingasögurnar gerðust í gegnum sögur. Kennarinn hefur mjög ákveðið skipulag sem hann fer eftir en nemendur þekkja það ekki. Nemendur verða að hafa áhuga á sögunnu og vilja til að halda áfram. Eftir að kennarinn kynnir söguna þá þróa nemendur hana og galdurinn er sá að nemendur verði þátttakendur í sögunni.

4. Ramminn utan um söguna.
Söguþráðurinn kemur fram í köflum sögunnar. Kennarinn þarf að passa sig á því að fara ekki út fyrir eða of langt í söguþræðinum innan hvers kafla því þá gætu nemendur misst þráðinn. Kaflarnir mega ekki vera of langir.
Lykilspurningar koma fram í öðrum dálki mjög mikilvægar og eru þær opnar og ekki hægt að svara já eða nei. Það er ekkert eitt rétt svar við spurningunni og því getur skapast skemmtileg umræða um hverja spurningu.
Vinna nemenda skiptir höfuðmáli og í henni kemur svarið við lykilspurningunni. Ýmist vinnur bekkurinn í hópum eða hver fyrir sig og stundum vinnur allur bekkurinn saman að einhverri lausn. Tilgangur aðferðarinnar er að láta nemendur vinna á mismunandi hátt með mismunandi félögum eða einn síns liðs.
Uppástungur um efni og gögn koma fram í hverjum kafla. Stundum eru sérstök gögn nauðsynleg frá byrjun og þá eru einungis undantekningar tilgreindar í hverjum kafla.
Afraksturinn rekur svo lestina en er samt mikilvægasti hlutinn af allri vinnunni. Þá er hægt að sjá hvað gert var og hvernig til tókst en ekki má gleyma vinnunni sem lögð var í verkið þegar kennarinn metur verkefnið.

5. Söguaðferð á ýmsum aldri.
Aðferðin hefur verið mest notuð til að kenna samfélags- og náttúrufræði. En samþætting aðferðarinnar við aðrar námsgreinar er mikil. Það felst mikil íslenska í vinnunni sem fram fer með lestri, skrift og lesskilning. Sagan kemur líka mikið inn í aðferðina, t.d. í rammanum um Landnemana, þar sem lært er um landnema Íslands og það telst til sögunnar. Námsefninu er ekki skipt niður í ákveðnar greinar heldur er litið á þetta sem eina heild.
Þessi aðferð hentar líka vel til að kenna erlend tungumál og getur hún orðið til þess að námið verður skemmtilegra og fjölbreyttara.
Söguaðferðin hentar ekki einum aldri frekar en öðrum, það hafa allir gaman af að læra hana og vinna eftir henni og það er endalaust hægt að finna viðfangsefni til að setja inn í aðferðina. Það er svo vítt svið sem aðferðin spannar, hún tekur á náttúruvernd og hægt er að láta nemendur fá annað sjónarhorn á þá hluti sem við viljum vekja áhuga á í náttúrunni. Fullorðið fólk lærir eftir þessari aðferð og hefur hún nýst vel þegar kenna á lestur hjá illu læsu fólki, t.d. fræða konur í fjallaþorpum í Nepal um hreinlæti og sjúkdóma.

6. Aðferð um allan heim.
Upphaflega þróuð í Skotlandi og var fljót að breiðast út um landið. Hefur verið notuð á ýmsum stöðum í Evrópu og einnig í Ameríku. Það er ákaflega fróðlegt að sjá hve ólíkar aðferðir eru notaðar til að kenna söguaðferðina. Það er hægt að laga hana að aðstæðum hverju sinni og setja hana inn í það umhverfi sem hver kennari býr við.

7. Einkenni söguaðferðarinnar.
Öll þekking bekkjarins fær að njóta sín og hugmyndir nemenda og reynsla er grunnur að nýju þema. Nemendur eru virkir og skapa sér sína eigin mynd af hlutunum, skilngarvitin eru öll notuð bæði við rannsóknir og að koma niðurstöðum sínum á framfæri. Söguhetjurnar verða til með hugmyndum nemenda og eru örvaðar til áframhaldandi þróunar. Sjálfstraust eykst þegar árangur verður betri bæði hjá nemendum og kennara. Gott skipulag er nauðsynlegt til að öllum líði vel og þá eykst gagnkvæm virðing milli nemenda og kennara. Hægt er að móta aðferðina að þeirri tækni sem hver kennari hefur yfir að ráða hverju sinni og þá eru meiri möguleikar að allir nemendur fái verkefni við sitt hæfi. Samvinna verður fjölbreyttari og það gefur nemendum aukna innsýn í samnemendur sína og þarfir hvers og eins eru virtar.
Allir nemendur eru virkir og þá finna þeir til ábyrgðar sem er nauðsynlegt fyrir alla að finna.

8. Af hverju söguaðferð?
Söguaðferðin býður uppá margar leiðir að sama marki. Hver bekkur hefur sitt einkenni og þá fær það að skína í gegnum verkefnið hjá þeim. Enginn kennari gerir sama hlutinn og þá líta ólík verk dagsins ljós úr sama ramma. Nemendur eru virkjaðir til vinnu sem þeir hafa gaman af og finnst þeir verðugir til að takast á við verkið. Samvinna milli kennara og nemenda er mikil því hugmyndir nemenda halda verkinu á floti. Ólíkar þarfir eru virtar og skoðaðar og hver fær verkefni við sitt hæfi.

Sálarball og fótbolti!

2003-09-14T18:40:00.000Z

Í gær fór ég á Sálarball í Höllinni og það var alveg ofsalega gaman en hefði samt verið miklu skemmtilegra ef ég hefði haft Hjördísi eða Önnu Rós með mér á ballinu en þær eru báðar í Reykjavík sem stendur:( Það var alveg fullt af fólki mætt á staðinn og brjálað fjör, var komin heim um 4.30:)
En í dag klukkan tvö spilaði ÍBV við KR í Frostaskjólinu og ÍBV vann að sjálfsögðu og bjargaði sér frá falli!!!:) Landsliðsmennirnir Veigar Páll og Kristján fengu báðir rauð spjöld undir lok leiksins sem er ekki nógu gott fyrir þá en fínt fyrir þá sem eiga að keppa á móti KR í næstu umferð.....KRingar eru samt sem áður Íslandsmeistarar og fengu bikarinn eftir tapleikinn:)Híhíhíhí:)

tók því....

2003-09-12T16:57:00.000Z

Ég var búin að dúlla svo mikið við vefrallýið, setja myndir og svona stafi sem snúast, en það sést ekkert þegar ég publisha:(

Vefrallý, júhú....:)

2003-09-12T16:56:00.000Z

Hérna kemur vefrallýið mitt:)

Nemendur eiga að vinna með nokkrar síður (leit.is, skolatorg.is og goggle.com) og vera eins fljótir og þeir geta!

1. Afritaðu nýjustu fréttina á leit.is yfir í ritvinnsluskjalið þitt.

2. Hver er slóðin að skólatorgssíðu Háteigsskóla?

3. Í hvaða kennarastöður vantar í Háteigsskóla ?

4. Hvað eru margir starfsmenn Háteigsskóla skráðir á síðunni?

5. Er kennarinn þinn skráður? Ef svo er hvaða upplýsingar eru gefnar um hann?

6. Vísað er í ellefu síður á skólatorgssíðu Háteigsskóla. Veldu fjórar síður og segðu frá þeim.

7. Hvert er tölvupóstfang Háteigsskóla?

8. Í skólanum er skólasel. Hvað kostar klukkustundarvera þar?

9. Hvað heitir fréttbréf Háteigsskóla?

10. Hver er slóðin að heimasíðu Háteigsskóla?

11. Finndu nemanda sem heitir Hekla Helgadóttir í 7. L.Þ.

12. Hver er ritari foreldrafélagsins?

13. Farið inn á leitarvef google.com og sláið inn Akureyri. Hvað finnast margar síður?

14. Afritaðu myndina af 5. flokki Þórs inn í ritvinnsluskjalið þitt.

15. Hvað heitir Bæjarstjóri Akureyrar og hvert er netfang hans?

16. Hverjir eru í Bæjarstjórn Akureyrar?

17. Hvernig er hægt að komast inn á heimasíðu Hlíðarskóla af heimasíðu Akureyrarbæjar?

vesen!!

2003-09-12T16:46:00.000Z

Jæja, þá er ég loksins búin að laga myndina á síðunni, er búin að vera í tvo tíma að vesenast í þessu. Endaði með því að ég setti upprunalegu myndina af mér inn aftur, gafst upp á hinu!
En þessi vika er búin að vera alveg rosaleg....þá meina ég erfið! Byrjaði á átaksnámskeiði í Hressó á mánudag og tók að mér félagslíf skólans ásamt annarri sama dag! Síðan þá hefur verið brjálað að gera, er komin heim um 20 á kvöldin og þá á ég eftir að fara í sturtu og eftir að elda matinn, þ.a. um 21.30 get ég farið að að anda aðeins léttar en fatta þá að ég þarf víst líka læra og reyni að gera smá í einhverjum verkefnum en endist í mesta lagi í klst í því. Þá eru augnlokin orðin alltof þung og ég sé rúmið mitt í hyllingum og fer að sofa. Svona er þessi vika búin að vera hjá mér! Sé ekki fram á að eiga náðuga helgi því lærdómurinn hleðst gjörsamlega upp...já svona er lífið!! Ég á alltof mikið ógert og sé lítið fram á að komast yfir þetta nema með fleiri tímum í sólarhringnum, veit einhver góða lausn á því?? Ég þakka bara fyrir að vera hálf-barnlaus því þá væri ég örugglega ekki á lífi ennþá:)
Vantar góðan skipuleggjara, bíður sig einhver fram???

eitthvað klikk...

2003-09-05T17:19:00.000Z

Ég skil ekkert af hverju myndin af mér er neðst þegar ég geri view blog.....veit einhver eitthvað um það????

Synd og skömm.....

2003-09-05T17:18:00.000Z

Jæja.....þetta gengur nú ekki!!meira en vika síðan ég skrifaði síðast og ég sem á að skrifa þrisvar í viku....:/Núna er maður svona að komast inní skólastarfið aftur, sem betur fer og búin að kynnast nemendum sínum ágætlega. Eitt er ég búin að sjá út hérna í Vestmannaeyjum, þegar nemendur eru órólegir einn daginn og haldast illa við efnið, kemur stormur daginn eftir, s.s. lognið á undan storminum, ef svo mætti að orði komast:)Já, þetta er sko sniðugt, að geta spáð í veðrið eftir nemendum sínum:) Nú í þessum töluðu orðum er Gunnar Heiðar að spila landsleik með ungmennalandsliði Íslands U-21 og ég finn alveg á mér að hann skori:) Þeir eru að keppa við Þjóðverja og hafa ekki unnið einn einasta leik í riðlinum:( En það kemur að því vonum við...:/

Netleikir

2003-08-28T14:44:00.000Z

Ég fór og lék mér smá á netinu, þ.e.a.s. fór í þrjá netleiki og athugaði hvort það væri eitthvað vit í þessu! Ég fann fyrstu tvo leikina inná leikjavef en síðasta leikinn á tilveran.isÉg fór fyrst á rottentomatoes.com og fann þar kúaleik, þ.e.a.s. ég þurfti að mjólka kýr og tæma fötuna jafn óðum því annars myndu kýrnar springa ! Svo má ekki mjólka þær of mikið því þá dettur hausinn af þeim! Frekar ógeðslegur leikur,alls ekki fyrir börn!
Því næstt fann ég blöðruleik sem var mjög skemmtilegur, þar þarftu að sprengja blöðrur og þú getur bara gert þsð ef það eru fleiri en ein hlið við hlið í sama lit. Mæli með honum, fyrir fyrir alla aldurshópa.
Síðasti leikurinn er strandblaksleikur og maður er krabbi að spila á móti krabba, ekkert alltof spennandi en fínn fyrir yngstu börnin. Kannski fyrir utan það að fyrir neðan leikinn blikkar auglýsingaborði sem hægt er að smella á og þar sem stendur: Want to see more girls?? og til skiptis við það myndir af stelpum!!
Það eina sem ég sá sameiginlegt við alla þessa leiki er að leiðbeiningar um hvaða takka eigi að nota við spilun þeirra eru ekki til staðar. Nema í síðasta leiknum, sem er „krakkaleikur“, þar eru sýndir takkarnir. Annars eru þessir leikir algjörir tímaþjófar, það er hægt að festast alltof lengi í þeim!!:)

Góðir vefir fyrir kennara

2003-08-28T13:19:00.000Z

Ég fór og vafraði um vefinn áðan og skoðaði nokkra áhugaverða vefi fyrir kennara. Fyrst skoðaði ég utn.is sem er ofsalega sniðugur vefur. Þar getur þú fengið upplýsingar um nánast allt sem við kemur upplýsingatækni, hvernig þú notar exel, hvernig þú nærð í myndir og eiginlega allar handhægar upplýsingar fyrir kennara í sambandi við að nota tölvur.
Næst skoðaði ég kennari.is og það er uppáhaldsvefurinn minn í dag, liggur við! Þarna eru mjög greinagóðar upplýsingar fyrir kennara, t.d. exel forrit sem reiknar einkunnir!Þar er manni kennt að sækja forrit af vef
og að afþjappa skrár (zip). Ég mæli eindregið með þessum vef og vildi óska þess að ég hefði vitað um hann fyrr!
Því næst fór ég á menntagátt.is og ég var ekki alveg eins hrifin af honum og þeim sem ég skoðaði á undan. Vefurinn er ólíkur hinum af mörgu leyti, það er svona ríkisyfirbragð yfir honum, ekki alveg nógu hlýlegur! Svo reyndi ég að smella á nokkrar krækjur sem virkuðu bara ekki! Þannig að ég ætla ekki að gefa þessum neitt ofsalega góða dóma en hann þjónar nú samt örugglega einhverjum tilgangi!

Allt komið í lag!!

2003-08-28T13:13:00.000Z

Jæja þá er allt komið í lag sýnist mér!

Eitthvað rugl í kerfinu...

2003-08-28T13:03:00.000Z

Textinn hér að neðan er greinlega eitthvað ruglaður, veit ekki hvað gerðist en það eru víst tölvuvírusar að gera að allt vitlaust úti um allan heim!!!Sjáum til hvernig þetta birtist...

fyrsti skÃ³ladagur senn Ã¡ enda...

2003-08-26T16:13:00.000Z

JÃ¦ja, Ã¾Ã¡ er fyrsti skÃ³ladagurinn minn bÃºinn og ekki laust viÃ° smÃ¡ Ã¾reytu....en annars gekk hann bara Ã¡gÃ¦tlega, fÃnir krakkar:) Svo tapaÃ°i bara Ã�BV Ã gÃ¦r Ã¡ mÃ³ti FH, meiri skandallinn!!! NÃº blasir bara viÃ° hÃ¶rÃ° fallbarÃ¡tta og ekkert annaÃ°, alveg hrÃ¦Ã°ilegt:(en Ã©g er fullviss um aÃ° Ã¾eir vinni ÃžrÃ³tt heima Ã¡ laugardaginn, og Gunnar HeiÃ°ar fari nÃº aÃ° losa Ã¾essa markastÃflu sem virÃ°ist vera hjÃ¡ elskunni minni....:)
En vÃ¡ hvaÃ° tÃminn lÃÃ°ur hratt, tÃmi til kominn aÃ° fara koma sÃ©r heim og fara svo Ã gÃ¶ngu meÃ° Ã³lettu vinkonu minni Ã¡ eftir:)

Í fréttum er þetta helst....

2003-08-23T18:50:00.000Z

Jæja, mitt lið í enska boltanum, CHELSEA, vann í dag og var afskaplega ljúft:) Aftur á- móti hefði ég viljað sjá United tapa sínum leik, en það kemur að því!!! Og svo unnu ÍBV stelpurnar stórsigur á Þór/Ka/Ks í dag, 8-0, nú er bara að vona að KR misstígi sig heiftarlega á lokasprettinum og við hirðum af þeim titilinn......! Svo ætlar karlinn minn, hann Gunnar Heiðar og skora tvö mörk á móti FH á mánudagskvöld í Kaplakrika, það er ákveðið, þá verður hann vonandi markahæstur og nælir sér í einn skó eða svo:) En síðast talaði ég um óléttar konur...þær eru allmargar í kringum mig skal ég segja ykkur:) Anna Rós, ein besta vinkona mín, ætlar að eignast fullveldisbarn, 1.desember:) Þá verður sko fjör á fróni:) Ég fæ að fara með henni í sónar einhvern tímann bráðum og get ég varla beðið! Svo eru Kolla og Nía ófrískar, Nía er sett um miðjan janúar en Kolla svona miðjan febrúar, þ.a. það verður nóg að gera hjá mér í barnadótinu:)
Og nú er ég bara að reyna að undirbúa mig undir kennsluna sem hefst á þriðjudag, mig dreymdi í nótt að ég væri að kenn bekk sem í væru börn úr 4. bekk og nemendur á 4. ári í framhaldsskóla og það var allt vitlaust og þvílík læti og ég hafði enga stjórn á þessu!! Vona að þetta merki eitthvað gott.....!
Já, svo ætla ég að vona að Fylkir vinni KR á morgun, því ég vill ells ekki að Kringar vinni titilinn aftur!!!

Nýjasta nýtt....

2003-08-19T16:01:00.000Z

Við eigum víst að skrifa það helsta sem er að frétta af okkur svona af og til í þessu námskeiði, og þar sem ég er svo samviskusöm ætla ég að skrifa eitthvað núna....hmmmm....já fyrsti vinnudagurinn minn í Barnaskóla Vestmannaeyja var í dag:) Þetta er skólinn sem ég var í frá 2. bekk upp í 10.bekk og það eru nokkrir, eiginlega svolítið margir af gömlu kennurunum mínum ennþá starfandi. Og það eru meira að sumstaðar sömu kennslubækur og þegar ég var í skóla, sem segir mér bara eitt....ég er ung ennþá!!:) Var farin að vera með svolitla fóbíu út af aldrinum, 23, ( nú fussa og sveia örugglega margir!) en ég held að það sé liðið hjá, allavegna eftir þennan vinnudag. En það getur vel verið að ég verði orðin gráhærð eftir veturinn.......:) Skólasetning er á mánudaginn kemur og svo byrjar ballið á þriðjudag og það er ekki laust fyrir smá spenning í maganum, blandað saman við nokkrar skeiðar af stressi, sem er væntanlega eðlilegur skammtur:) Eins og sagði einhversstaðar hér fyrir neðan er ég að fara kenna 5. bekk og er búin að vera liggja yfir námsefni fyrir 5. bekk sem er bara svei mér þá mjög skemmtilegt:)
Svo var systir mín (sammæðra), hún Guðrún Marta, að flytja til Eyja eftir 2 ára fjarveru í höfuðborginni. Stúlkan ætlar að fara í framhaldsskólann hérna og vinna á gamla vinnustaðnum mínu, Toppinum, þar sem óléttar konur eru yfirráðandi:)

Hrefnuveiðar Íslendinga!

2003-08-18T13:26:00.000Z

Já, þeir eru byrjaðir að veiða, en ekkert hefur veiðst ennþá, en það kemur að því. Það er sko allt að verða brjálað hjá hvalaskoðunarfyrirtækjunum og meira að segja BBC er með frétt um hvalveiðarnar okkar!!

En hvalaveiðar voru stundaðar fyrir löngu síðan á Íslandi og einnig er til hvalavefur á vefnum sem var búin til í Kennó! Já það gerist sko margt og mikið merkilegt í Kennó;)

Afmælisbarn dagsins!!:)

2003-08-15T16:17:00.000Z

Hann Kristján Finnur bróðir minn á afmæli í dag og heldur upp á daginn með því að fara í hestaferð með fjölskyldunni um fjörur og fjöll og firnindi...kappinn er orðinn 19 ára og 198 cm takk fyrir!!!By the way þá er hann ekki hættur að stækka:) TIL HAMINGJU MEÐ AFMÆLIÐ LITLI, (STÓRI) SÆTI OG GÓÐI BRÓÐIR:)

Fróðlegar krækjur=félagsleg kerfi á vefnum....

2003-08-15T16:08:00.000Z

Já, það er sko allt til! Nú geta allir eignast vini, án þess að fara út úr húsi þurfa bara að eiga tölvu og vera nettengdir! Það er komið nýtt kerfi á netið sem heitir Friendster....endilega að prófa það við tækifæri...að sjálfsögðu getur maður líka farið á deit með einhverjum sem maður hittir á netinu þá held ég að einkamál.is séu fremst í flokki hvort sem þú ert að leita að skyndikynnum eða langvarandi kynnum....En ef þú ert ekkert fyrir svoleiðis, vilt bara vera þjóðleg(ur) og taka þátt í þjóðfélagsumræðinni þá mæli ég með málefnin.com, þar er sko heitasta umræðan hverju sinni um sveittustu málefnin....

Kynning á mér:)

2003-08-15T15:58:00.000Z

Jæja, hér kemur fyrsta tilraun mín í bloggi............Ég heiti Ester Helga Sæmundsdóttir og er 23 ára gömul, fædd 18. júní 1980 í Reykjavík. Nú bý ég í Vestmannaeyjum ásamt kærasta mínum, Gunnari Heiðari Þorvaldssyni. Ég klára grunnskólabraut í fjarnámi við Kennaraháskóla Íslands nú í vor, en í vetur verð ég að kenna 5. bekk í Barnaskóla Vestmannaeyja. Ég á sjö hálfsystkini, takk fyrir, á aldrinum 7, 10, 13, 14, 17, 17 og 19 ára og er ég s.s. elst af þeim en alls ekki stærst, þó ég telist nú ekki lítil, 170 cm á hæð. Faðir minn býr í sveit, nánar tiltekið í Dalabyggð í Dalasýslu og veit ég fátt betra en að fara þangað á öllum tímum ársins og komast í snertingu við náttúruna....vó! stoppum aðeins hérna....farið að verða frekar væmið... Einnig finnst mér alveg ofsalega gaman að taka með mér tjald og kærastann einhvert út á land og tjalda í náttúrunni:) Móðir mín er búsett í Grafarvogi, nýflutt þangað ásamt yngsta bróður mínum, sammæðra ( þetta fer að verða alltof flókið!).

2003-08-15T11:17:00.000Z

prófa aftur kkk

2003-08-15T11:14:00.000Z

sdfasdfasdf sdasdfasdfasd

Hér byrjar þetta

2003-08-15T07:03:00.000Z

bara prufa... kvæði og þjóðsögur